Италиянинг Варезе шаҳрида пара академик эшкак эшиш бўйича жаҳон кубоги давом этмоқда.

Қувонарлиси, унда Ўзбекистон терма жамоаси аъзолари илк медалини қўлга киритди.
Жумладан, жаҳон кубогининг PR2m1x дастурида стартга чиққан ҳамюртимиз Диёрбек Бойбўлсинов финалга қадар етиб борди ва маррага 8 дақиқа 42.71 сонияда иккинчи бўлиб етиб келган ҳолда кумуш медаль билан тақдирланди.

Дарвоқе, жаҳон кубогининг ушбу йўналишидаги олтин ва кумуш медалларни Тирнан Ўдоннелл (Ирландия) ҳамда Йигит Доғукан Бозкуртга (Туркия) насиб этди.

Маълумот ўрнида: Таиландда пара каноэ бўйича ўтаётган Осиё кубогининг бугунги баҳсларида терма жамоамиз аъзолари 2 та олтин ва 1 та кумуш медални қўлга киритди.