Қирғизистонда ўтган IX халқаро "Қирғизистон гавҳари" спорт ўйинларида боксчиларимизнинг 7 та олтин медалга сазовор бўлиши ортидан юртимиз самбочилари ҳам муваффақиятга эришди.
Ёшлар ва ўсмирлар терма жамоасидан ташкил топган самбочиларимиз умумий ҳисобда 2 та олтин, 3 та кумуш ва 4 та бронза медалларига эга чиқди. Шундан ёшларимиз 1 та олтин ва 1 та кумуш медал, ўсмирларимиз 1 та олтин, 2 та кумуш ва 4 та бронза медалларини қўлга киритди.
Нуфузли мусобақада Шоҳрух Насибуллаев, Ислом Абдузокиров, Владислав Орлов, Абдумалик Абдуқодиров, Рустам Газиев, Руслан Шокиров, Асилбек Ўринов, Фазлиддин Азизжонов ва Иброҳимжон Хайруллаев Ўзбекистон спорт шарафини улуғлади.
