"Ан-Наср" марказий ҳимоячиси Эмерик Лапорт жорий ёзда Европага қайтиши мумкин.
Испанияликнинг Ар-Риёд клуби билан шартномаси бир йилдан кейин тугайди, бироқ томонларни қониқтирадиган вариант топилса, ҳамкорлик яқин ойларда тўхтатилиши мумкин. 31 ёшли футболчига Европада талаб бор: журналист Фабрицио Романонинг ёзишича, марказий ҳимоячини Бильбаонинг "Атлетик" ва бошқа баъзи клублар ўз сафида кўрмоқчи.
Transfermarkt талқинига кўра, Эмерик Лапортнинг нархи 15 млн еврога тенг. Футболчи "Ан-Наср"га 2023 йилнинг ёзида "Манчестер Сити"дан кўчиб ўтганди. Англияга кўчиб ўтишдан олдин ҳимоячи айнан "Атлетик" шарафини ҳимоя қилган.
