"Барселона" "Ливерпуль" вингери Луис Диас трансфери учун ортиқча пул тўламайди.
Колумбиялик футболчи "кўк-анорранглилар"нинг ҳужумнинг чап қанотидаги устувор нишони ҳисобланади. Шунга қарамай, Diario Sport нашрининг таъкидлашича, "Барселона" Диас учун 60 млн евродан ортиқ тўламайди. Каталония клуби футболчининг ёшини (28 ёш) ҳисобга олган ҳолда, бу адолатли нарх деб ҳисобламоқда. "Ливерпуль" ҳамон 80 млн евро сўрамоқда.
Луис Диас ҳозирги шартномаси бўйича "Ливерпуль"да йилига 3,5 млн евро атрофида маош олади ва "қизиллар" билан келишиб олса, "Барселона" футболчига қулайроқ шартларни таклиф қилишда муаммо бўлмайди.
