"Барселона" президенти Жоан Лапорта "Атлетик" вингери Нико Уильямс трансферига шубҳа билан қарамоқда. "Кўк-анорранглилар" футболчини ўтган ёздаёқ ўз сафига қўшиб олишга уринган, аммо у таклифни рад этганди - айнан шунинг учун Лапорта испанияликни ҳозир сотиб олиш кераклигига ишончи комил эмас, деб ёзади журналист Санти Овалле. Каталония гранди раҳбари принципиал келишувдан воз кечиши мумкин. Катта эҳтимол билан, агар Уильямснинг ўзи "Барса"га ўтиш истагини билдирмаганида, унинг номзоди кўриб чиқилмаган бўларди.
Нико Уильямснинг Испания чемпионлари сафини тўлдирмоқчи экани бир неча кун аввал маълум бўлганди. Тахминларга кўра, 22 ёшли футболчи ҳар қандай муросага, жумладан, маошини қисқартиришга ҳам тайёр.
