"Наполи" ҳужум чизиғини кучайтиришни режалаштирмоқда ва "Манчестер Сити" вингери Жек Грилиш ёки "Манчестер Юнайтед"дан Алехандро Гарначони сотиб олиш вариантларини ўрганмоқда.
Бу ҳақда The Sun хабар бермоқда. Манбага кўра, "Наполи" футболчилардан бирини сотиб олиш учун 53 миллион евро миқдорида маблағ ажратган. Клуб Грилиш трансферини маъқул кўрмоқда, аммо Гарначо варианти узоқ муддатли фойда нуқтаи назаридан янада истиқболли ҳисобланади.
29 ёшли Жек Грилиш 2024/25 йилги мавсумда "Манчестер Сити" сафида барча мусобақаларда 32 та ўйинда майдонга тушиб, 3 та гол урди ва 5 та голли узатмани амалга оширди. 20 ёшли Алехандро Гарначо ўтган мавсум "Манчестер Юнайтед" сафида 58 та баҳсда иштирок этиб, 11 та гол ва 10 та голли узатмани амалга оширди.
