"Реал"нинг янги устози Хаби Алонсо дарҳол унинг жамоасида ҳеч қандай авторитетлар бўлмаслигини айтди.
Cadena SER хабарига кўра, испаниялик мутахассис ўйинчилар билан биринчи учрашувлардаёқ ўз ёндашувини аниқ белгилаб қўйган: фидойилик - ҳамма нарсадан устун.
"Югуриб, борини бериб ўйнамайдиганлар ўйнамайди. Номлар ҳеч қандай маънога эга эмас. Сиз шунчаки тўп беришларини кутиб турмаслигингиз керак. Ҳар бир тўп ортидан югуриш керак," - дея мураббийнинг сўзларини келтиради журналист Хавьер Эрраес.
Алонсо янги фалсафасининг биринчи жиддий синови 18 июнь куни бўлиб ўтди. "Реал" клублар ўртасидаги жаҳон чемпионатидаги иштирокини "Ал-Ҳилол"га қарши ўйин билан бошлайди.
