Лондоннинг "Арсенал" клуби устози Микель Артета жамоанинг икки ҳимоячиси келажагига ойдинлик киритди, деб хабар беради The Mirror.
Манбага кўра, испаниялик мутахассис энди Александр Зинченко билан ҳамкорлик қилишдан манфаатдор эмас. Украиналик футболчи сотувга қўйилади. Шунингдек, Артета бошқа бир ҳимоячи - Рикардо Калафьори тақдирини ҳам ҳал қилди. Италиялик футболчи келаси мавсум ҳам "канонирлар" сафида қоладиган бўлди.
Зинченко ўтган мавсумда Премьер-лигада 15та ўйинда майдонга тушиб, битта голга ассистентлик қилган. Калафьорининг ҳисобида чемпионатнинг 19 та ўйинида иккита гол ва битта голли узатма бор.













