"Манчестер Сити" ҳужумкор ярим ҳимоячиси Райан Шерки "Манчестер Юнайтед" билан учрашув ўзи учун алоҳида аҳамиятга эга бўлишини тан олди.
Европа Лигасининг чорак финалида "қизил иблислар" 21 ёшли француз тўп тепган "Лион" устидан ғалаба қозонди. Биринчи учрашув 2:2 ҳисобида якунланган бўлса, "Олд Траффорд"да кечган жавоб ўйинида майдон эгалари иккинчи экстра-тайм сўнгида ғалабани илиб кетишди - 5:4.
"Мен "Лион"ликман ва ўша ўйинда ютқазганимиздан жуда хафа бўлдим. Энди яна "Манчестер Юнайтед" билан ўйнаш ва уларни "ўлдириш" имкониятини интиқлик билан кутяпман," - дея Шеркининг сўзларини келтиради журналист Жек Гаган.
"МЮ" Европа Лигаси финалида "Тоттенхэм"га ютқазиб қўйганди (0:1).
