"Манчестер Сити" ярим ҳимоячиси Илкай Гюндоган Туркиянинг "Галатасарой" клуби қизиқишлари доирасида. Таниқли журналист Флориан Плеттенберг шундай маълумот билан бўлишди.
Шу билан бирга, манбанинг хабар беришича, ҳозирда клублар ўртасида ҳеч қандай музокаралар олиб борилмаяпти, чунки Гюндоган бор эътиборини клублар ўртасидаги жаҳон чемпионатига қаратган.
Жорий мавсумда германиялик 34 ёшли хавбек барча мусобақаларда 50 та ўйинда майдонга тушиб, 3 та гол урди ва 7 та голли узатмани амалга оширди.
Гюндоганнинг "Манчестер Сити" билан амалдаги меҳнат шартномаси 2026 йилнинг июнь ойи охиригача мўлжалланган.













