"Manchester Siti" yarim himoyachisi Ilkay Gyundogan Turkiyaning "Galatasaroy" klubi qiziqishlari doirasida. Taniqli jurnalist Florian Plettenberg shunday ma’lumot bilan bo‘lishdi.
Shu bilan birga, manbaning xabar berishicha, hozirda klublar o‘rtasida hech qanday muzokaralar olib borilmayapti, chunki Gyundogan bor e’tiborini klublar o‘rtasidagi jahon chempionatiga qaratgan.
Joriy mavsumda germaniyalik 34 yoshli xavbek barcha musobaqalarda 50 ta o‘yinda maydonga tushib, 3 ta gol urdi va 7 ta golli uzatmani amalga oshirdi.
Gyundoganning "Manchester Siti" bilan amaldagi mehnat shartnomasi 2026 yilning iyun oyi oxirigacha mo‘ljallangan.
