Италиянинг "Ювентус" клуби ҳимоячиси Андреа Камбьясо бошқа клубга ўтиши мумкинлиги ҳақида фикр билдирди.
"Кекса синьора" билан 2029 йилгача мўлжалланган шартномага эга бўлган 25 ёшли футболчи "Милан," "Манчестер Сити" ва "Наполи" қизиқишлари доирасига тушган.
"Менга ҳеч қандай қўнғироқ бўлмади. Эҳтимол, уларни менинг агентларим олишгандир. Тудор билан гаплашмадим, лекин клуб ва мураббий мени яхши кўришини биламан. Мен барчанинг ишончини ҳис қиламан, Туринда бахтлиман ва ҳеч қачон кетишни сўрамаганман. Гвардиола менга яна қўнғироқ қилдими? Йўқ," - дея футболчининг сўзларини келтиради La Gazzetta dello Sport.
