Мартин Батурина Загребнинг "Динамо" клубидан "Комо"га ўтди.
Хорватия терма жамоасининг 22 ёшли ярим ҳимоячиси А Серия клуби билан 2030 йилнинг ёзигача мўлжалланган шартнома имзолади.
Фабрицио Романонинг таъкидлашича, Хорватия чемпионатининг энг яхши ассистенти учун "Комо" 17 миллион евро тўлайди. Яна 5 млн бонус сифатида кўзда тутилган.
2024/25 йилги мавсумда Батурина Хорватия чемпионатида 33 та ўйинда майдонга тушиб, 11 та голли узатмани амалга оширди - энг кўп. Унга ўтган йили "Реал", "Барселона", "Манчестер Юнайтед" ва "Атлетико" қизиқиш билдирганди.
