Лондоннинг "Арсенал" клуби марказий ҳужумчи қидиришда давом этмоқда.
Сўнгги пайтларда "канонирлар" сафига "Спортинг" вакили Виктор Дьёкереш қўшилиши ҳақидаги маълумотлар тез-тез пайдо бўлаётган бўлса-да, унинг юқори нархи бошқа вариантларни ҳам кўриб чиқишга ундамоқда. Жумладан, куни кеча "Арсенал" вакиллари "Астон Вилла" футболчиси Олли Уоткинснинг агенти билан учрашув ўтказди. Бу ҳақда Португалиянинг Record нашри хабар бермоқда.
"Астон Вилла" молиявий сабабларга кўра уни сотишни кўриб чиқишга тайёр. Уоткинснинг нархи 40 миллион евро бўлиб, "Арсенал" учун Дьёкерешдан кўра арзонроқ, шу билан бирга юқори салоҳиятга эга муқобил вариант ҳисобланади.
Ўтган мавсумда 29 ёшли футболчи барча мусобақаларда 54 та ўйинда 17 та гол урди ва 14 та голли узатмани амалга оширди.
