Миланнинг "Интер" клуби ҳужумчиси Лаутаро Мартинес жамоанинг Чемпионлар Лигаси финалидаги мағлубиятини эслади. "ПСЖ" билан 31 май куни бўлиб ўтган учрашув "нерадзуррилар"нинг 0:5 ҳисобидаги мағлубияти билан якунланди.
"Финалда нима бўлганини тушунтириш қийин. Орадан беш-олти кун ўтиб, бу ҳақда биринчи марта омма олдида гапира бошладим. Мен жуда хафа бўлдим, бундай натижани қабул қилиш қийин. Ҳақиқат шундаки, биз тайёрлаган нарсаларнинг ҳеч бирини уддалай олмадик," - деди "Интер" сардори Мартинес Sport Mediaset'га берган интервьюсида.
