"Фламенго" жамоаси бош мураббийи Филипе Луис клублар ўртасидаги жаҳон чемпионати гуруҳ босқичи дастлабки турида "Эсперанс" устидан қозонилган ишончли ғалабага (2:0) муносабат билдирди.

- Ўйин осон кечмади. Бошида тўпни яхши назорат қилдик, темп ўзимизники эди. Аммо биринчи голдан кейин бироз секинлашдик. Яхшиямки, иккинчи бўлимда рақибни хато қилишга мажбур қилдик ва иккинчи тўпни киритишга муваффақ бўлдик. Ғалаба муҳим, айниқса илк ўйинда. Энди барча фикрлар "Челси" ҳақида", - деди мутахассис Ge Globo нашрига берган интервьюсида.

"Фламенго" кейинги ўйинини 20 июнь куни Лондоннинг "Челси" клубига қарши ўтказади. "Эсперанс" эса эртаси куни "Лос-Анжелес"га қарши майдонга тушади.