"Flamengo" jamoasi bosh murabbiyi Filipe Luis klublar o‘rtasidagi jahon chempionati guruh bosqichi dastlabki turida "Esperans" ustidan qozonilgan ishonchli g‘alabaga (2:0) munosabat bildirdi.
- O‘yin oson kechmadi. Boshida to‘pni yaxshi nazorat qildik, temp o‘zimizniki edi. Ammo birinchi goldan keyin biroz sekinlashdik. Yaxshiyamki, ikkinchi bo‘limda raqibni xato qilishga majbur qildik va ikkinchi to‘pni kiritishga muvaffaq bo‘ldik. G‘alaba muhim, ayniqsa ilk o‘yinda. Endi barcha fikrlar "Chelsi" haqida", - dedi mutaxassis Ge Globo nashriga bergan intervyusida.
"Flamengo" keyingi o‘yinini 20 iyun kuni Londonning "Chelsi" klubiga qarshi o‘tkazadi. "Esperans" esa ertasi kuni "Los-Anjeles"ga qarshi maydonga tushadi.
