"Барселона" дарвозабони Марк-Андре тер Штеген жамоа бош мураббийи Ханс-Дитер Флик билан яхши муносабатда эмас.

"Кўк-анорранглилар" сардор билан хайрлашиб, унинг ўрнига янги дарвозабон - "Эспаньол" дарвозабони Жоан Гарсияни сотиб олишга қарор қилди. 33 ёшли футболчи клубни тарк этиш ниятида эмас, бироқ унинг Флик билан муносабатлари яхши эмас - уларни "жуда совуқ" деб таърифлаш мумкин, деб ёзади журналист Альфредо Мартинес. Дарвозабоннинг келажаги ноаниқ бўлиб қолмоқда.

Марк-Андре тер Штегеннинг "Барселона" билан шартномаси 2028 йилгача мўлжалланган. Германиялик футболчига "Галатасарой" қизиқиш билдирмоқда, аммо миш-мишларга кўра, футболчи Туркияга кўчиб ўтишдан бош тортган.