"Ливерпуль" ҳужумчиси Дарвин Нуньес фаолиятини А Серияда давом эттиришга тайёр.
25 ёшли футболчи "Наполи"га ўтиш вариантига очиқ, дея хабар бермоқда инсайдер Жанлука ди Марцио. Хабарингиз бор, уругвайлик футболчи Италиянинг амалдаги чемпионлари шорт-листида етакчилик қилмоқда. Битимнинг тақдири "Ливерпуль"нинг талаблари ва неаполликларнинг имкониятларига боғлиқ бўлади.
Transfermarkt портали экспертлари Дарвин Нуньеснинг нархини 45 млн еврога баҳоламоқда. Тарқалган хабарларга кўра, "қизиллар" ҳужумчига умид қилмаяпти ва ёзги трансферлар вақтида у билан бажонидил хайрлашади.
Нуньесга Европанинг бошқа клублари ва Саудия Арабистони чемпионати вакиллари ҳам қизиқиш билдирмоқда.
