Мюнхеннинг "Бавария" клуби ҳужумчи Габриэль Видовичнинг Загребнинг "Динамо" клубига ўтганини расман тасдиқлади. Бу ҳақда немис клуби сайти хабар бермоқда.
21 ёшли футболчи Хорватия клубига доимий асосда ўтди. Видович 2016 йилдан бери "Бавария"нинг турли ёшдаги жамоаларида ўйнаган. Мюнхенликларнинг асосий жамоасида у саккизта ўйин ўтказди. Шунингдек, футболчи Хорватия ёшлар терма жамоасида ўйнаш тажрибасига эга, у ерда 2022 йилдан бери саккизта ўйинда иштирок этган.
2024/25 йилги мавсум якунларига кўра, Венсан Компани қўл остидаги "Бавария" 82 очко билан Бундеслига чемпионига айланди. Загребнинг "Динамо" клуби 36 ўйинда 65 очко тўплаб, мамлакат чемпионатини 2-ўринда якунлади.
