Милош Керкезнинг отаси ўғлининг "Ливерпуль"га трансфери деярли расмийлаштирилганини айтди.
Аввалроқ венгриялик ҳимоячи "Борнмут"дан 45 млн евро эвазига трансфер қилиниши маълум бўлганди.
"Биз учун фақат "Ливерпуль" бор, бошқа клублар билан мулоқот қилмаймиз. Шартнома шартлари келишилган, фақат баъзи тафсилотларни ҳал қилиш керак - битим деярли расмийлаштирилган.
Ричард Хьюз ("Ливерпуль" - спорт директори) ўз вақтида бизни "Борнмут"га олиб келганди. Агар у Ҳиндистонга борамиз деса, биз Ҳиндистонга борган бўлардик," - деди футболчининг отаси Себастьян Керкез.
АПЛнинг ўтган мавсумида 21 ёшли Керкез 38 та ўйинда майдонга тушиб, 2 та гол урди ва 5 та голли узатмани амалга оширди.
