Испания терма жамоаси устози Висенте Дель Боске конфедерациялар кубоги ярим финали доирасидаги Италияга қарши кечажак ўйин ҳақида фикр билдирди.
«Италия —жуда мураккаб рақиб. Бу нафақат Европа, балки бутун дунёдаги энг кучли терма жамоалардан бири.
Бундан ташқари Италия Евро-2012 финали учун реванш олишга ҳаракат қилади. Бу жуда муҳим ўйин бўлади. Бизнинг мақсадимиз — финалга чиқиш ва ғалаба қозониш. Бошқача бўлиши мумкин эмас»,- дейди мураббий.
Эслатиб ўтамиз, Испания — Италия ўйини 27 июнь куни бўлиб ўтади.