"Ноттингем Форест" ярим ҳимоячиси Каллум Хадсон-Одои "Наполи" қизиқишлари доирасига тушиб қолди.

Sport Italia хабарига кўра, эҳтимолий трансфернинг ташаббускори клуб бош мураббийи Антонио Конте бўлиб, у футболчи билан "Челси"даги фаолияти давомида шахсан таниш бўлган.

Қайд этилишича, Конте таркибни янгилашга интилмоқда ва кучайтириш учун устувор позицияларни белгилаб қўйган. Ҳам қанотда, ҳам ярим ҳимоя марказида ҳаракат қила оладиган 24 ёшли англиялик футболчи унинг моделига жуда мос тушади.

Ўтган мавсумда Хадсон-Одои "Ноттингем" сафида барча мусобақаларда 36 та ўйинда майдонга тушиб, бешта гол урди ва шерикларига учта голли узатмани амалга оширди.