"Манчестер Юнайтед" вингери Жэйдон Санчо Италия А Сериясига кўчиб ўтиши мумкин, унинг хизматларига "Наполи" қизиқиш билдирмоқда.
Sky Sport нашри тарқатган хабарга кўра 25 ёшли ярим ҳимоячи Неаполга кўчиб ўтишга рози. "МЮ" талаб қилаётган товон пули тўсиқ бўлиши мумкин. "Қизил иблислар" раҳбарияти Санчони сотишдан 25 миллион евро ишлаб олмоқчи. Италия томони бу суммани ошириб юборилган деб ҳисобламоқда.
Ўтган мавсумда Жэйдон Лондоннинг "Челси" клубида ижара асосида тўп тепган эди. Вингер 31 та ўйинда майдонга тушиб, 3 та гол ва 4 та голли узатмани ўз ҳисобига ёздириб қўйди.
