"Эспаньол" дарвозабони Жоан Гарсия фаолиятини "Барселона"да давом эттиради. "Кўк-анорранглилар" 24 ёшли футболчининг трансферини ёпмоқда - тез орада битим расман тасдиқланади. Журналист Фернандо Полонинг маълум қилишича, янги футболчининг тақдимоти жума кунига режалаштирилган. Қайд этилишича, тадбир "камтарона" форматда ўтказилади: дарвозабон клуб президенти Жоан Лапорта офисида таништирилиши, махсус матбуот анжумани чақирилмаслиги керак.

Жоан Гарсиянинг трансфери "Барселона"га 25 млн еврога тушади - бу унинг "Эспаньол" билан шартномасидаги товон пули. Кўриниб турибдики, испаниялик амалдаги чемпионларнинг янги "биринчи рақамли"си бўлади.