"Манчестер Сити" ҳужумкор ярим ҳимоячиси Фил Фоден клублар ўртасидаги жаҳон чемпионати гуруҳ босқичи 1-туридан ўрин олган "Видад Касабланка"га (2:0) қарши ўйиндан сўнг ўз фикрларини билдириб ўтди. Фоден ушбу ўйиндаги илк гол муаллифига айланди.
"Жамоа турнирни ғалаба билан бошлаганидан жуда хурсандман. Баъзида иссиқ туфайли қийин бўлди. Рақиб қарши ҳужумларда яхши эди. Баъзи ҳолатларни енгиб ўтишга тўғри келди. Ўйиндан ва уч очкодан мамнунман. Янги мавсум, янги мен.
Турнир? У нафақат мен учун, балки ҳамма учун ҳам муҳим. Бу катта мусобақада биз ўзимизга ишонч ҳосил қилишимиз мумкин," - деди Фоден.
