"Тоттенхэм" ёзги трансферлар вақтида марказий ҳимоячи Кристиан Ромеро билан хайрлашмоқчи эмас.

Аргентиналик футболчига Мадриднинг "Атлетико" клуби қизиқиш билдирмоқда, буни яқинда "матрасчилар" бош мураббийи Диего Симеоненинг шахсан ўзи тасдиқлади. Шунга қарамай, таниқли инсайдер Фабрицио Романонинг таъкидлашича, ёзда футболчини "шпорлар"дан олиб кетиш жуда қийин бўлади. Даниэль Леви юлдузни клубда сақлаб қолишга қатъий қарор қилган бўлса, янги бош мураббий Томас Франк марказий ҳимоячини ўз жамоасининг асосий қаҳрамони сифатида кўрмоқда.

Transfermarkt портали мутахассислари Кристиан Ромеронинг нархини 50 млн еврога баҳоламоқда. Апрель ойида футболчи 27 ёшга тўлди.