Ҳужумчи Маркус Рэшфорд "Барселона"да ўйнашни истамоқда. "Кўк-анорранглилар" либосини кийиб кўриш истаги ҳақида 27 ёшли футболчи яқинларига бир неча бор гапирган. Буни Каталония клубида ҳам билишади.
Рэшфорд чап қанот ҳужумини кучайтириш борасида "Барселона" учун биринчи вариант эмаслигини тушуниб турибди. Аммо англиялик футболчининг кўп нарсадан воз кечишга тайёрлиги (хусусан, маош масаласида) ва бошқа номзодларга (Нико Уильямс ва Луис Диас билан) нисбатан арзонроқ нархи трансферга ёрдам беришига умид қилмоқда. Бу ҳақда Marca ёзмоқда.
Эслатиб ўтамиз, 2024/2025 йилги мавсумнинг иккинчи қисмида Маркус Рэшфорд "Астон Вилла"да ижарада ўйнаган эди. Ҳужумчининг ҳуқуқи "Манчестер Юнайтед"га тегишли.
