Мадриднинг "Реал" клуби бош мураббийи Хаби Алонсо клублар ўртасидаги жаҳон чемпионати гуруҳ босқичи 1-туридан ўрин олган "Ал-Ҳилол"га қарши ўйинда Килиан Мбаппе майдонга тушмагани ҳақида гапирди.
Хавотирлар ўз тасдиғини топди: француз касалликдан даволанишга улгурмади ва ҳатто янги мураббий қўл остидаги дебют ўйинида захира ўриндиғида ҳам бўлмади. "Қаймоқранглилар" юлдуз ҳужумчисиз ғалаба қозона олмади - 1:1.
"Мбаппенинг йўқлиги? Сўнгги икки кун ичида у ўзини ёмон ҳис қилмоқда. Кейин нима бўлишини кўрамиз," - деди Хаби Алонсо ўйиндан кейинги матбуот анжуманида.
