"Реал Мадрид" пайшанба куни ҳужумчи Килиан Мбаппенинг касалхонага ётқизилганини эълон қилди. Француз форвардига ўткир гастроентерит ташхиси қўйилган. Олдинроқ Мбаппе касаллик туфайли бир неча кун майдонга туша олмаган ва ҳатто карантинда ҳам қолганди.
Килиан клублар ўртасидаги жаҳон чемпионати гуруҳ босқичининг биринчи турида “Ал-Ҳилол”га қарши ўйнамади. Marca хабарига кўра, Мбаппе "Реал"нинг клублар ўртасидаги жаҳон чемпионатидаги иккинчи ўйинини - 22 июнь куни бўлиб ўтадиган "Пачука"га қарши ўйинини албатта ўтказиб юборади. Ҳужумчи тикланишга улгурмаслиги аниқ.
Эслатиб ўтамиз, "Реал" - "Ал-Ҳилол" ўйини 1:1 ҳисобидаги дуранг билан якунланган эди. Федерико Вальверде якунда пенальтини амалга ошира олмади.
