"Аталанта" ярим ҳимоячиси Эдерсон Миланнинг "Интер" клуби радарларига тушиб қолди.
"Нерадзуррилар" Хакан Чалханўғлидан айрилиши мумкин: 31 ёшли хавбек аллақачон "Галатасарой" билан келишиб қўйган. Calciomercato нашри тарқатган хабарга кўра Эдерсон "Интер" томонидан тажрибали туркиялик ўрнига номзодлардан бири сифатида кўрсатилган.
Бразилиялик футболчининг Transfermarkt порталидаги нархи 50 млн еврога баҳоланмоқда. "Аталанта"нинг 25 ёшли юлдузига аввалроқ "Манчестер Юнайтед" қизиқиш билдирган эди.
Хакан Чалхонўғлининг "Интер"даги эҳтимолий ўринбосарлари қаторида "Лацио" вакили Николо Ровелла ҳам бор, у худди шу Transfermarkt портали томонидан 30 млн еврога баҳоланган.
