"Байер" клуби ва Швейцария терма жамоаси ярим ҳимоячиси Гранит Жака ёзда жамоасини ўзгартириши мумкин.
Инсайдер Фабрицио Романонинг ўз саҳифаларида ёзишича, "Милан" 32 ёшли футболчининг трансфери борасида леверкузенликлар билан музокарага киришган. Манбага кўра, Жаканинг ўзи Италияга кўчиб ўтишга тайёр ва "россонерилар" сафида тўп тепиш имкониятига ижобий муносабатда.
Швейцариялик хавбек 2024/25 йилги мавсумда барча мусобақаларда 49 та ўйин ўтказиб, иккита гол ва еттита голли узатмани амалга оширди. Унинг "Байер" билан шартномаси 2028 йилнинг ёзигача амал қилади ва Transfermarkt маълумотларига кўра, футболчининг бозор нархи 12 миллион еврони ташкил қилади.
