"Ювентус" ҳужумчиси Душан Влахович клубни тарк этишга қарор қилди. Сербияликнинг шартномаси келаси йилнинг ёзида тугайди. "Кекса синьора" раҳбарияти футболчи маошини қисқартиришга рози бўлсагина шартномани узайтиришга тайёр, аммо унинг режалари бошқача кўринади. Инсайдер Николо Скиранинг маълум қилишича, ҳужумчи шартномани узайтиришдан бош тортган ва шу ёзда "Ювентус"ни тарк этишга узил-кесил қарор қилган.
Душан Влаховичга Англия Премьер-лигаси грандлари ва "Милан" қизиқиш билдираётган эди. Transfermarkt порталида 25 ёшли футболчининг тахминий нархи 35 млн евро, аммо "Ювентус" ўз юлдузини арзонроққа - 20 млн еврога сотишга тайёр.
