Ханси Флик Ламин Ямални даҳо деб атади.

"Мен буни тез-тез такрорлайман: Ямал даҳо. Ва у эндигина 17 ёшда. Биз уни қўллаб-қувватлашимиз керак.

Ҳозирча ҳаммаси жойида, аммо кейинги 15 йил давомида юқори савияда қолишни истаса, нафақат яхши машғулот ўтказиши, балки бу йўлга руҳий жиҳатдан ҳам тайёр бўлиши керак.

У ақлли йигит. Футболда шунчаки дам олишнинг ўзи етарли эмас, кўп меҳнат қилиш ҳам керак. Буни унинг иқтидорига эга футболчилар тушуниши керак. Унинг жамоада ажойиб намуналари бор, масалан, Рафиня, у ҳам унга кўп ишонади”, деди “Барса” устози.