"Брайтон" таркибни "Ливерпуль" ярим ҳимоячиси Харви Эллиотт билан кучайтириши мумкин. The Sun нашрининг хабар беришича, клуб 22 ёшли футболчи учун 46,8 млн евро тўлашга тайёр. Клуб инглизни лойиҳанинг марказий фигураларидан бирига айлантиришни режалаштирмоқда.
Манбага кўра, Харви Эллиотт "Ливерпуль"га содиқ бўлишига қарамай, ўйин вақти чеклангани сабабли клубини ўзгартириш имкониятини кўриб чиқиши мумкин. Қайд этилишича, 20 июнь куни эълон қилинган "Байер" ярим ҳимоячиси Флориан Вирцнинг жамоага келиши Эллиотнинг таркибга кириш имкониятларини янада камайтириши мумкин.
Ўтган мавсумда Харви Эллиотт Англия Премьер-лигасида 18 ўйинда 360 дақиқа ҳаракат қилди. Ярим ҳимоячи барча мусобақаларда 28 та ўйинда жами бешта гол урди ва учта голли узатмани амалга оширди.
