"Brayton" tarkibni "Liverpul" yarim himoyachisi Xarvi Elliott bilan kuchaytirishi mumkin. The Sun nashrining xabar berishicha, klub 22 yoshli futbolchi uchun 46,8 mln yevro to‘lashga tayyor. Klub inglizni loyihaning markaziy figuralaridan biriga aylantirishni rejalashtirmoqda.

Manbaga ko‘ra, Xarvi Elliott "Liverpul"ga sodiq bo‘lishiga qaramay, o‘yin vaqti cheklangani sababli klubini o‘zgartirish imkoniyatini ko‘rib chiqishi mumkin. Qayd etilishicha, 20 iyun kuni e’lon qilingan "Bayer" yarim himoyachisi Florian Virsning jamoaga kelishi Elliotning tarkibga kirish imkoniyatlarini yanada kamaytirishi mumkin.

O‘tgan mavsumda Xarvi Elliott Angliya Premyer-ligasida 18 o‘yinda 360 daqiqa harakat qildi. Yarim himoyachi barcha musobaqalarda 28 ta o‘yinda jami beshta gol urdi va uchta golli uzatmani amalga oshirdi.