"Байер" марказий ярим ҳимоячиси Гранит Жака "Милан"га ўтиши мумкин, деб ёзади Football Italia.
Италия клуби 2023 йилнинг июлидан буён Леверкузен клубида тўп тепаётган 32 ёшли швейцариялик футболчининг трансфери бўйича илк таклифни берди.
"Милан" "Байер"га 23 ёшли марказий ҳимоячи Малик Тшауни таклиф қилди, аммо бундай келишув немис клубини қизиқтирмаяпти. Аввалроқ, Жака "россонерилар" сафига қўшилишга тайёрлиги ҳақида хабарлар тарқалган эди.
Бу мавсумда Гранит клуб миқёсида 49 та ўйинда 2 та гол урди ва 7 та голли узатмани амалга оширди.













