Бугун Ҳакамлар маркази биносида ФИФА ва ОФК ҳамкорлигида ташкил этилган VAR ва AVAR бўйича навбатдаги семинар ўз ишини бошлади.

Мазкур ўқув дастури ФИФА томонидан тасдиқланган формат асосида олиб борилмоқда. Семинарни саудиялик тажрибали мутахассис, ФИФА инструктори Али Ал Таифи бошчилик қилмоқда.

Куннинг дастлабки қисмида иштирокчиларга VAR тизими бўйича сўнгги ўзгаришлар, халқаро тажриба ва ФИФАнинг долзарб тавсиялари тақдим этилди.

Семинарда Суперлига баҳсларида фаолият юритаётган VAR ва AVAR ҳакамлари иштирок этмоқда. Амалий машғулотлар, видеонализ ва интерактив муҳокамалар орқали ҳакамларнинг малакаси ва техник тайёргарлиги янада такомиллаштирилади.

Маълумот учун, ушбу семинар 25 июнь кунига қадар давом этади.