Мюнхеннинг "Бавария" клубига тегишли таянч ярим ҳимоячиси Жоау Палинья фаолиятини туманли Альбионда давом эттириш вариантига эга. Бу ҳақда Caught Offside хабар бермоқда.

Манбага кўра, 29 ёшли хавбек хизматига "Манчестер Юнайтед" қизиқиш билдирмоқда. Германия гранди эса агар португалиялик хавбек учун 30-35 миллион евро таклиф қилишса, у билан хайрлашишга тайёр.

Пальинья 2024/2025 йилги мавсумда 24 та ўйин ўтказиб, гол урмаган. Ярим ҳимоячи ва "Бавария" ўртасидаги амалдаги меҳнат шартномаси 2028 йилнинг ярмигача мўлжалланган.