"Аталанта"нинг италиялик дарвозабони Марко Карнесекки фаолиятини "Манчестер Юнайтед"да давом эттириши мумкин.
Журналист Жанлука ди Марционинг таъкидлашича, "Манчестер Юнайтед" "Аталанта"дан 24 ёшли дарвозабон трансфери бўйича сўров юборган. Шу билан бирга, таъкидланишича, инглиз гранди ҳозирча Андре Онана бўйича якуний қарорга келмаган.
2024/25 йилги мавсумда Карнесекки барча мусобақаларда 44 та ўйин ўтказиб, 45 та гол ўтказиб юборди ва 18 марта ўз дарвозасини дахлсиз қолдиришга муваффақ бўлди. Карнесеккининг "Аталанта" билан амалдаги шартномаси 2028 йилга қадар имзоланган.
Transfermarkt маълумотларига кўра, италияликнинг нархи 25 миллион еврони ташкил этади.
