"Манчестер Сити" ҳимоячиси Йошко Гвардиол майдондаги севимли позицияси ҳақидаги саволга жавоб берди.

"Менинг позициям ҳақида гапириш анча қийин. Умуман олганда, менга марказга яқинроқ ўйнаш ёқади. Аммо мени қанотга қўйишса ҳам, у ерда ҳам ўйнай оламан. Мен қандай одамлигимни ҳамма билади, қайси позицияда ўйнашимдан қатъи назар, боримни бераман," - дея Гвардиолнинг сўзларини келтиради City Xtra.

Жорий мавсумда 23 ёшли хорватиялик футболчи барча турнирларда 53 та учрашувда майдонга тушиб, 6 та гол урди ва 2 та голли узатмани ўз ҳисобига ёздириб қўйди.