"Manchester Siti" himoyachisi Yoshko Gvardiol maydondagi sevimli pozisiyasi haqidagi savolga javob berdi.
"Mening pozisiyam haqida gapirish ancha qiyin. Umuman olganda, menga markazga yaqinroq o‘ynash yoqadi. Ammo meni qanotga qo‘yishsa ham, u yerda ham o‘ynay olaman. Men qanday odamligimni hamma biladi, qaysi pozisiyada o‘ynashimdan qat’i nazar, borimni beraman," - deya Gvardiolning so‘zlarini keltiradi City Xtra.
Joriy mavsumda 23 yoshli xorvatiyalik futbolchi barcha turnirlarda 53 ta uchrashuvda maydonga tushib, 6 ta gol urdi va 2 ta golli uzatmani o‘z hisobiga yozdirib qo‘ydi.
