Испания терма жамоаси Миллатлар лигаси финалида мағлубиятга учрагач, сентябрь ойида бўлиб ўтадиган 2026 йилги жаҳон чемпионати саралаш ўйинларига тайёргарлик кўради.
Испанияликлар бош мураббийи Луис де ла Фуэнте Родри ва Карвахалнинг терма жамоага қайтиши эҳтимолига муносабат билдирди:
"Бажонидил. Родри, биз аллақачон унинг ўйин динамикасига кирганини кўряпмиз. Дани эса клублар ўртасидаги жаҳон чемпионатида иштирок этишига умид қилмоқда.
Улар мавжуд бўлганда, албатта, улар биз билан бирга бўлади. Икки даҳо майдонда ва ундан ташқарида ҳам биз билан бўлиши - фахр", - деди мураббий.
Эслатиб ўтамиз, Родри ва Карвахаль олган жароҳатлари туфайли ўтган мавсумнинг ўта муҳим қисмини ўтказиб юборган эди.
