"Монако" "Манчестер Юнайтед"нинг 29 ёшли дарвозабони Андре Онананинг эҳтимолий трансфери бўйича унинг вакилларига мурожаат қилди, аммо камерунлик посбон "қизил иблислар"нинг асосий таркибидан жой олиш учун қолиш ва курашиш ниятида. Бу ҳақда The Times хабар бермоқда.
Манбага кўра, монаколиклар Онанага ҳали расмий таклиф билан чиқмаган, аммо унинг атрофидагилардан футболчининг инглиз клубидаги мавқеи ҳақида хабардор қилиб туришни сўраган.
Камерунлик 2023 йилнинг ёзида "Интер"дан 47 миллион фунт эвазига "Манчестер Юнайтед"га ўтганди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 25 млн еврони ташкил этади.
