Испаниялик ҳужумчи Ферран Ютгла 2022 йилда Каталониянинг "Барселона" клубини тарк этиб, Бельгиянинг "Брюгге" клубига ўтганди. "Кўк-анорранглилар"нинг асосий жамоасида футболчи ўзини кўрсата олмади, шу сабабли футболчи клубини ўзгартирди.
Mundo Deportivo хабарига кўра, Ютгла Испанияга қайтишга яқин турибди, яъни Вигонинг "Сельта" клубига ўтиши мумкин.
Эътиборлиси, "Барселона" ушбу трансфер амалга ошган тақдирда, "Брюгге" билан келишувга кўра, сотув суммасининг 10 фоизи миқдорида бонусга эга бўлади. Испан ресурсига кўра, бонус 200 минг еврони ташкил этади.
Ферран Ютгла жорий мавсум Бельгия жамоаси сафида 54 та ўйинда майдонга тушиб, 14 та гол урди ва 7 та голли узатмани амалга оширди.
