"Интер" клублар ўртасидаги жаҳон чемпионати гуруҳ босқичида "Урава"ни мағлуб этди - 2:1. Учрашув Сиэтлдаги "Люмен Филд" стадионида бўлиб ўтди.
Учрашувнинг 11-дақиқасида Япония жамоаси ярим ҳимоячиси Рема Ватанабе ҳисобни очди. 78-дақиқада Италия клуби форварди Лаутаро Мартинес жавоб тўпини киритган бўлса, ҳакам томонидан қўшиб берилган дақиқаларда ярим ҳимоячи Валентин Карбони "қора-кўклар"ни ҳисобда олдинга олиб чиқди.
"Интер" 2 ўйинда 4 очко жамғариб, Е гуруҳида 1-ўринга чиқиб олди. "Урава" (0) эса сўнгги, 4-поғонадан жой олган.
26 июнь куни "Интер" "Ривер Плейт"га қарши баҳс олиб борса, Япония жамоаси "Монтеррей" билан куч синашади.
