"Астон Вилла" "Страсбург" ярим ҳимоячиси Хабиб Диаррани ўз сафига қўшиб олмоқчи, дея хабар бермоқда The Sun.
Манбага кўра, француз клуби 21 ёшли сенегаллик футболчи учун тахминан 30 миллион евро ишлаб олишни режалаштирмоқда. Аввалроқ, футболчига "Айнтрахт" қизиқиш билдираётган эди, аммо унинг 17 миллион евролик таклифи рад этилди.
2024/25 йилги мавсумда ярим ҳимоячи барча мусобақаларда 33 та ўйинда майдонга тушиб, 4 та гол урди ва 5 та голли узатмани амалга оширди. Унинг шартномаси 2028 йилнинг 30 июнига қадар амал қилади.
Transfermarkt портали футболчининг трансфер қийматини 20 миллион еврога баҳолаган.
