Мадриднинг "Реал" клуби бош мураббийи Хаби Алонсо Килиан Мбаппенинг соғлиғи ҳақида маълумот берди.
Яқинда ҳужумчи ўткир гастроэнтерит билан касалхонадан чиқди. Клублар ўртасидаги жаҳон чемпионатининг навбатдаги "Пачука"га қарши ўйинида француз майдонга туша олмайди, аммо катта эҳтимол билан гуруҳ босқичининг сўнгги турида "Ред Булл Зальцбург"га қарши ўйинда майдонга қайтади.
"Мбаппе ўзини яхши ҳис қилмоқда. Икки кун олдин у касалхонадан қайтди, у ерда тест топширишга тўғри келди. Биз кун саин унинг сўнгги турда ўйнаш имкониятини баҳолаб, оптимистик кайфиятда бормоқдамиз," - деди Алонсо матбуот анжуманида.
