"Бавария" бош мураббийи Венсан Компани "Интер Майами" ҳужумчиси Лионель Месси ҳақида фикр билдирди.
Яқинда аргентиналик футболчи клублар ўртасидаги жаҳон чемпионати гуруҳ босқичи 2-туридан ўрин олган "Порту"га (2:1) қарши ўйинда жарима зарбасидан гол уриб, "лочинлар"га ғалаба келтирганди. Журналистлар мюнхенликлар бош мураббийидан Мессининг ўйини ҳақида қандай фикрда эканини сўрашди.
"Интер Майами"да бир нечта ўзига хос футболчилар бор, аммо улардан бири ажралиб туради - у менинг ёшимда. Билмадим, у буни қандай амалга оширади, лекин биз ҳаммамиз унинг ўйинини кузатишда давом этамиз. У ҳали ўйнаб турганда ҳар бир лаҳзани қадрлаш керак," - дея Компанининг сўзларини келтиради ESPN.
