Мадриднинг "Реал" клуби бош мураббийи Хаби Алонсо ярим ҳимоячи Арда Гюлер ҳақида қандай фикрда эканини айтди.
20 ёшли туркиялик яқинда берган интервьюсида Алонсо футболи ўзига мос келишини маълум қилди. Шунингдек, футболчи қанотда эмас, ярим ҳимояда ўйнашни маъқул кўришини айтди.
"Гюлер - доим тўп ёнида бўлиши керак бўлган футболчилардан бири. У тўпга қанча кўп тегса, ўзини шунча яхши кўрсатади. У биз учун муҳим ва у ўтган ўйинни ажойиб ўтказди," - деди Алонсо матбуот анжуманида.













